आंतरराष्ट्रीय मानवधिकार संघटनेच्या सोलापूर जिल्हाध्यक्षपदी पत्रकार दिनेश मडके यांची निवड
करमाळा, दि. 27 (करमाळा-LIVE)-
सत्य प्रामणिकेच्या जोरावर जनसेवा हिच खरी ईश्वर सेवा मानून काम केल्याबद्दल साप्ताहिक पवनपुत्रचे संपादक, करमाळा डिजीटल मिडिया पत्रकार संघटनेचे तालुकाअध्यक्ष पत्रकार दिनेश मडके यांना आंतरराष्ट्रीय ह्युमन राईट ॲन्ड जसटिस आर्गनायझेशन या मानवधिकार संघटनेच्या सोलापूर जिल्हाअध्यक्षपदी काम करण्याची संधी मिळाली असून सर्वसामान्य जनतेला न्याय मिळवून देण्यासाठी कार्यरत राहतील असे मत सामाजिक कार्यकर्त प्रतिष्ठित व्यापारी राजुकाका शियाळ यांनी व्यक्त केले.
आतंराष्ट्रीय मानवधिकार संघटनेच्या सोलापूर जिल्हाध्यक्षपदी निवड झाल्याबद्दल पत्रकार दिनेश मडके यांचा सत्कार राजुकाका शियाळ, महाराष्ट्र नवनिर्माण सेनेच्यावतीने मनसे अध्यक्ष नानासाहेब मोरे यांच्या हस्ते फेटा बांधून व श्रीफळ देऊन सत्कार करण्यात आला.
यावेळी पुढे बोलताना ते म्हणाले की, संघर्ष हा जीवनाचा अविभाज्य भाग यामध्ये तो श्रध्दा सबुरीचे काम करतो तो नक्कीच यशस्वी होऊन समाजाच्या हितासाठी कल्याणासाठी कार्यरत राहतो दिनेश मडके यांची निवड म्हणजे आपल्या तालुक्याचा बहुमान असुन त्यांच्या कार्यास आपण सर्वतोपरी सहकार्य करणार असल्याचे त्यांनी सांगितले.
या कार्यक्रमात सत्काराला उत्तर देताना दिनेश मडके म्हणाले की, आजपर्यत निरपेक्ष भावनेने काम केले प्रामाणिकपणे काम केल्यास नक्की परमेश्वर आपणास योग्यवेळी आपणास संधी देऊन काम करुन घेते. मिळालेली संधी व पदाच्या माध्यमातून सर्वसामान्य जनतेला न्याय मिळवून देण्यासाठी काम करणार असल्याचे त्यांनी सांगितले.
