करमाळ्यात पुण्यश्लोक राजमाता अहिल्यादेवी होळकर यांची जयंती साजरी ; जयंती निमित्ताने विविध कार्यक्रमांचे आयोजन
करमाळा, दि. ८ (करमाळा-LIVE)-
राष्ट्रीय समाज पक्ष व सकल धनगर समाजाच्या वतीने करमाळा येथे पुण्यश्लोक राजमाता अहिल्याबाई होळकर यांच्या 299 व्या जयंती उत्साहात साजरी करण्यात आली.यावेळी राजमाता भवन निलेज रोड या ठिकाणी पाणपोई व वृक्षारोपण करून राजमाता अहिल्याबाई होळकर यांना अभिवादन करण्यात आले.
या कार्यक्रमाला प्रमुख पाहुणे म्हणून मकाईचे माजी चेअरमन दिग्विजय बागल, बाजार समितीचे माजी सभापती शिवाजीराव बंडगर, आदिनाथचे माजी संचालक धुळाभाऊ कोकरे, माजी पंचाय समिती सदस्य अॕड राहुल सावंत, मनसेचे तालुकाध्यक्ष संजय घोलप, भारिपचे नेते शहाजी ठोसर, माजी नगरसेवक अतुल फंड, रिटेवाडीचे माजी सरपंच दादा कोकरे, सुहास ओव्होळ, अंजनडोहचे सरपंच अरुण शेळके, माजी सरपंच शहाजी माने, संतोष भांड यांच्या हस्ते वृक्षारोपण व पाणपोईचे उद्घाटन संपन्न झाले.
तसेच मदरशा उर्दू शाळेत अहिल्याबाई होळकर यांची जयंती साजरी करण्यात आली. यावेळी उपस्थितीत मान्यवरांचे स्वागत सन्मान धनगर धर्म पिठाचे जिल्हाध्यक्ष बाळासाहेब टकले, राष्ट्रीय समाज पक्षाचे जिल्हा सरचिटणीस अंगद देवकते, इंजि.आघाडीचे जिल्हाध्यक्ष शुभम बंडगर, रासप तालुका अध्यक्ष जीवन होगले, प्रविण होगले, हर्षल कोळेकर, संपर्क प्रमुख विकास मेरगळ उपस्थित होते.
यावेळी मदरशा उर्दू शाळेतील सर्व विद्यार्थ्यांना खाऊ व पेनचे वाटप करण्यात आले. या कार्यक्रमास प्रमुख पाहुणे म्हणून करमाळा नगरपरिषदेचे नगरसेवक प्रशांत ढाळे, संजय सावंत, जयकुमार कांबळे, अॕडजमीर शेख, कुगावंचे नेते जैनुद्दीन शेख, सिकंदर मुलानी, मदरशा उर्दू शाळेचे मुख्याध्यापक कारी काझी सहाब यांची प्रामुख्याने उपस्थिती होती.
आयोजित कार्यक्रम प्रसंगी नगरसेवक प्रशांत ढाळे, कारी काझी साहेब, बाळासाहेब टकले यांनी मनोगत व्यक्त केले.
त्यानंतर राजमाता भवन निलज रोड या ठिकाणी राजमाता अहिल्यादेवी होळकर यांच्या जयंतीनिमित्त दहावी बारावी व गुणवंत यशस्वी विद्यार्थ्यांच्या सत्काराचे आयोजन सकल धनगर समाज व राष्ट्रीय समाज पक्ष करमाळा तालुका वतीने करण्यात आले. या आयोजित कार्यक्रम प्रसंगी करमाळा तहसीलचे नायब तहसिलदार बाबासाहेब गायकवाड, जगताप गटाचे नेते बाजार समितीचे संचालक शंभूराजे जगताप, धनगर धर्म पिठाचे जिल्हाध्यक्ष बाळासाहेब टकले, रासप जिल्हा सरचिटणीस अंगद देवकते, भाजपा इंजि.आघाडीचे जिल्हाध्यक्ष शुभम बंडगर, तालुका अध्यक्ष जीवन होगले, मातोश्री बहु.सं.चे अध्यक्ष प्रवीण होगले, पत्रकार सुनील भोसले, प्रा. श्रीकांत दरगुडे, राजमाता अभ्यासिकाचे संचालक डॉ.समाधान कोळेकर यांच्या प्रमुख उपस्थितीत दहावी बारावीतील गुणवंत विद्यार्थ्यांना शाल,पुष्प, श्रीफळ, पेन देऊन सन्मानित करण्यात आले.
यावेळी यशस्वी विद्यार्थी पालक व राजमाता करिअर अकॅडमी मधील विद्यार्थीना पुढील शैक्षणिक व यशस्वी करीअर वाटचालीसाठी नायब तहसीलदार बाबासाहेब गायकवाड, शंभूराजे जगताप, प्रा. श्रीकांत दरगुडे, डी वाय पाटील चे संचालक गायकवाड सर, पत्रकार सुनील भोसले यांनी मार्गदर्शन केले. हा कार्यक्रम यशस्वी करण्या करिता प्रदीप वाघमोडे, डॉ. समाधान कोळेकर, तात्या काळे,संतोष भांड, शंकर सुळ,अश्फाक शेख, ईलास घोणे, सुखदेव कोपनर, सोनबा गावडे, विठ्ठल भिसे,अविनाश कुराडे,तानसेन खांडेकर, दीपक कडू, सचिन सामसे, रघुवीर खटके,शरद घरबुडे,विठ्ठल खांडेकर इत्यादी सह राजमाता अभ्यासिका अकॅडमी मधील विद्यार्थी, पालक, पदाधिकारी कार्यकर्ते उपस्थित होते.
