माजी आमदार नारायण आबा पाटील यांच्या वाढदिवसानिमित्त उद्या रक्तदान शिबीराचे आयोजन -

करमाळा, दि. २२ (करमाळा-LIVE)-
माजी आमदार नारायण आबा पाटील यांच्या वाढदिवसाच्या निमित्त जेऊर येथे विविध कार्यक्रमांचे आयोजन करण्यात आले असून मुंबई उच्च न्यायालयाचे माजी न्यायाधीश बी जी कोळसे-पाटील यांच्या हस्ते नारायण आबा पाटील यांचा सत्कार होणार आहे. तसेच २३ आॕगस्टला सकाळी भव्य रक्तदान शिबीराचे आयोजन करण्यात आले आहे.

यावेळी आमदार रणजितसिंह मोहिते-पाटील, आमदार रोहित पवार व खासदार धैर्यशील मोहिते पाटील यांची प्रमुख उपस्थिती असणार आहे अशी माहिती प्रा डॉ. संजय चौधरी यांनी दिली.

यावेळी पाटील गटाचे मार्गदर्शक प्रा. अर्जुन सरक, सरपंच पृथ्वीराज पाटील, कृषी उत्पन्न बाजार समितीचे माजी संचालक देवानंद बागल उपस्थित होते. वाढदिवसाच्या कार्यक्रमांची अधिक माहिती देताना प्रा डॉ. संजय चौधरी यांनी सांगितले की शुक्रवार दिनांक २३ ऑगस्ट रोजी माजी आमदार नारायण आबा पाटील यांचा वाढदिवस असून दिनांक २२ आणि २३ ऑगस्ट रोजी जेऊर येथे विविध कार्यक्रमांचे आयोजन करण्यात आले आहे. गुरुवार दिनांक २२ रोजी भारत महाविद्यालय आयोजित कर्मयोगी व्याख्यानमाले (वर्ष १४ वे) मध्ये नामांकित राजकीय विश्लेषक व पत्रकार मा. संजय आवटे यांचे व्याख्यान सकाळी १० वाजता होणार आहे.

त्याच बरोबर शुक्रवारी सकाळी ९ वाजता भव्य रक्तदान शिबीर आयोजित करण्यात आले आहे. यासाठी जनसंपर्क अधिकारी महेश रणदिवे यांचे मार्गदर्शनाखाली होणार आहे तर यासाठी अनिल मुंगूसकर आणि विनोद गरड यांच्याशी संपर्क साधावा असे आवाहन करण्यात आले आहे.

हा सत्कार सोहळा दुपारी ठीक २ वाजता कर्मयोगी गोविंदबापू पाटील सभागृह (बाजारतळ) येथे होईल.

यावेळी आमदार रणजितसिंह मोहिते-पाटील, आमदार रोहित पवार, खासदार धैर्यशील मोहिते पाटील यांची विशेष उपस्थिती राहणार आहे. तरी करमाळा माढा विधानसभा मतदार संघातील नागरिकांनी यावेळी मोठ्या संख्येने उपस्थित राहवे असे आव्हान संयोजन समितीच्या वतीने करण्यात आले आहे.