केत्तूर येथील श्री किर्तेश्वर देवस्थानच्या वतीने महाशिवरात्री निमित्त शिवमहापुजेचे आयोजन -

केत्तूर, दि. १६ (करमाळा-LIVE)-
केत्तूर येथील पुरातन व प्रसिध्द असलेल्या श्री किर्तेश्र्वर देवस्थान येथे २६ फेब्रुवारी रोजी होणाऱ्या महाशिवरात्री निमित्त अखंड हरिनाम सप्ताह सह शिवमहा पूजेचे आयोजन करण्यात आले आहे.

योगीराज गुरुवर्य हभप रणजीत बापू यांच्या कृपा आशीर्वादाने व तमाम श्री किर्तेश्वर भाविक भक्तांच्या सहकार्याने या कार्यक्रमाचे आयोजन करण्यात आले आहे.

दि.२१ फेब्रुवारी ते दि.२८ फेब्रुवारी या दरम्यान हा कार्यक्रम होणार आहे.

पहाटे ४ ते ६ काकडा भजन, सकाळी ७ ते ८, श्री किर्तेश्वर अभिषेक, सकाळी १० ते दुपारी १ शिवमहापूजा, दुपारी २ ते ५ शिवलीला आमृत ग्रंथाचे आर्थासहित पारायण, सायंकाळी ५ ते ६ हरिपाठ, सायंकाळी ७ ते रात्री ९ पर्यंत हरीकिर्तन,रात्री १० ते पहाटे ४ पर्यंत हरी जागर अशी कार्यक्रमाची रूपरेषा असून पंचक्रोशीसह तालुक्यातील सर्व भाविक भक्तांनी या कार्यक्रमाचा लाभ घ्यावा असे आवाहन श्री किर्तेश्वर देवस्थान चॅरिटेबल ट्रस्ट कडून करण्यात आले आहे.