भारत हायस्कूलच्या सुमित सरक ची राज्यस्तरीय मल्लखांब स्पर्धेसाठी निवड
जेऊर, दि. 27 (करमाळा-LIVE)-
जेऊरच्या भारत हायस्कूलच्या सुमित सरक ची राज्यस्तरीय मल्लखांब स्पर्धेसाठी निवड झाली आहे.
क्रीडा व युवक सेवा संचालनालय महाराष्ट्र राज्य पुणे आणि जिल्हा क्रीडा कार्यालय सोलापूर यांचे संयुक्त विद्यमाने दिनांक 21 आणि 22 डिसेबर दरम्यान टेंभूर्णी येथील महात्मा फुले हायस्कूल व ज्युनिअर कॉलेज मध्ये पुणे विभागीय शालेय मल्लखांब व रोप मल्लखांब स्पर्धा संपन्न झाल्या. या स्पर्धेत भारत हायस्कूल जेऊर येथील इयत्ता आठवीत असलेल्या सुमित सरक हा 14 वर्ष आतील मुलाच्या गटात सहभागी झाला होता त्या मध्ये तो विजयी झाला असून त्याची उदगीर येथे दिनांक 29 ते 31 डिसेंबर दरम्यान होणाऱ्या राज्यस्तरीय शालेय मल्लखांब व रोप मल्लखांब स्पर्धेसाठी निवड झालेली आहे.
सुमित सरक यास महाराष्ट्र राज्य मल्लखांब असोसिएशन चे राज्य सहसचिव आणि आंतररष्ट्रीय पंच पांडुरंग वाघमारे आणि राष्ट्रीय पंच बाळासाहेब शिंदे यांचे मार्गदर्शन लाभले आहे. खेळाडू सुमित तसेच मार्गदर्शक शिक्षक पांडुरंग वाघमारे आणि बाळासाहेब शिंदे यांचे अभिनंदन भारत शिक्षण प्रसारक मंडळाचे अध्यक्ष माजी आमदार नारायण आबा पाटील, उपाध्यक्ष अनिल गादिया, सचिव प्रा. अर्जूनराव सरक, सरपंच पृथ्वीराज पाटील, संस्था सदस्य सुनील तळेकर, प्राचार्य केशव दहिभाते, उपप्राचार्य नागेश कांबळे, पर्यवेक्षक बी एस शिंदे सर्व संस्था सदस्य प्रशालेतील शिक्षक शिक्षकेत्तर कर्मचारी यांनी अभिनंदन केले आहे.
- करमाळ्याचे पर्यावरणप्रेमी कल्याणराव साळुंके यांना पर्यावरण कार्यासाठी पुरस्कार प्रदान
- कुंभेजच्या बागल विद्यालयात भव्य रांगोळी स्पर्धेचे आयोजन व पारितोषिक वितरण संपन्न
- भारत हायस्कूल जेऊर येथे जिल्हास्तरीय शालेय मल्लखांब स्पर्धा संपन्न
- उजनी बॕकवॉटर परिसरात चोरांचा धुमाकूळ ; दिवेगव्हाण येथे मोटारीच्या तांब्याच्या तारा चोरीला- प्रशासनाचे दुर्लक्ष
- करमाळा : गणेशोत्सवानिमित्त सर्वोदय प्रतिष्ठानची आजपासून व्याख्यानमाला
About The Author
